BAP

Jedanke em treibsand, all nerve liej’n blank.
ne sumpf uss jeföhle, dä du su noch nit kannts.
du weiß, dat du selvs schuld bess,
sie kann nix dofür.
nä, du wills ihr nit leid dunn,
bloß kein träne vüür ihr.
Su hilflos wie nur jet, total ussjebrannt.
du klammers dich manisch ahn jede strühhalm.
Jedanke em treibsand, sie’s alles für dich.
du häss se verschlesse, ohne sie bess du nix.
Du kenns dich selvs nit mieh widder,
du wills me’m kopp durch de wand,
du schwemms öm dieh lääve
doch siehs nirjendwo land.
du wünschs, du künnts schloofe,
denx dich öm dä verstand,
leets dieh glöck durch de finger rinne,
als wöhr’t nit mieh wert als sand.
Du wünschs, du künnts dich verstelle,
wöhrs nit dä, dä du bess,
künnts jeduldisch un cool sinn,
wie dä, bei dämm sie jetz ess.
Jedanke em treibsand, sie’s alles für dich.
du häss se verschlesse, ohne sie bess du nix.
Du häss se zo off behandelt
– dat weed dir noh un noh klar –
als ob sie dir länx ejal wöhr,
als wöhr se’e stöck inventar.
Dobei hatts du dinge kosmos ens öm sie römmjebaut.
jetz litt alles en trömmer, du häss alles versaut.
Du künnts dich ändere, schwörste.
wööts du doch endlich wach,
wöhr doch alles ‘ne albdraum,
bloß en fiebrije naach.
Jedanke em treibsand, sie’s alles für dich.
du häss se verschlesse, ohne sie bess du nix.

übersetzung kölsch - deutsch:
öm dieh lääve – um dein leben
römmjebaut – herumgebaut
wööts du – würdest du